In mè sentu a cuntentezza chi corre
Quandu ch'ellu canta l'impruvisadore
Incanteule hè a so dolce voce
Trema u pettu di chjarasgiu è noce
U ghjattu è u topu si dicenu fratelli
A volpe face a pace cù l'agnelli
Ind'ù fiume e truite sò in ballu
Più sopra cantanu ghjalline è ghjallu
Tantu peghju si sta sera mi ritardu
A' a so dritta volgliu stà calatu
Lagaraghju i penseri è l'aratu
Per ascultà stu cantu cusi beatu
Rima di l'alta surgente
Tù veni da luntanu
Si dolce è si putente
O figliola d'u supranu
Senza mai facci scemisce
U to versu rimbiviasce
Per tè, purtador' d'amore
Ringraziu u me signore
In mè sentu u core chi si stacca
Quandu ch'ell' hè tocca d rima senza tacca
Maravigliosu hè stu latinu versu
spann'u core di u tupachjone persu
A bellula basgia e donne ghjalline
E ghjumente ballanu cù vaccine
Ind'u chjassu i sumeri saltichjeghjanu
L'omi pulitichi s'abbracciacheghjanu
Tantu peghju si sta sera mi ritardu
A' a so dritta vogliu stà calatu
Lagaraghju i penseri è l'aratu
Per ascultà stu cantu cusi beatu
Jérôme Mulas Benedetti (1986)
