Indè i tempi, i cugnomi tinianu una piazza impurtante indè e discursate di i nostri vechji, à ta! puntu, chi qualchi volta, so stati rigistrati ancu nantu à u statu civile.
Quand'ellu hè natu Francescu Malaspina, anu aghjustatu dopu à u nome, dettu Barittinu.
Pè Antoniu Marchesi, hè statu listessu ; dopu à Antone anu messu dit Ghjabbichellu.
A prupositu di Ghjabbichellu è a moglia so stati rigistrati d'una certa anera.Ghjabbichellu hè statu rigistratu "Jabic" è a moglia "Jabique".
A iss' epuca, accadia spessu chi u babbu di a criatura truvava u merre pè strada, è invece d'andà à a merria à dichjarà a nascita, Il dava l'indizii, è quellu a scrivia nantu à un pacchettu di tavaccu 0 una scatula di fulminanti, è po dopu, u ghjittava è si scurdava di fà u necessariu à a merria.
Hè cusi, chi Ceccè Colombani natu in 1881, hè statu rigistratu in 1893, quand'ellu avia da entre à u liceu in Bastia.
È Lauretta, vintidui anni dopu, à u mumentu ch'ella s'avia da marità, è so stati obligati di ritardà u matrimoniu di cinque 0 sei mesi, pè fà u necessariu.
Ma in Ochjatana, hè successu torse ancu peghju. A u mumentu ch'ellu si passava da l'atti scritti in italianu, à quelli scritti in francese, qualchissia hè andatu à a merria, pè fà rigistrà u figliolu, ch' ellu vulia chjamà Visidoru. U merre si sbaglie è traduce male u nome in francese, è invece di rigistrallu "Isidore" u registreghje "Visage d'or".
