C'era una volta un prete chi avia un nipote chellu tinia caru assai è un ghjacaru (cane o ghjacaru hè listessu) ch'ellu tinia ancu più caru !

A quellu ghjacaru, ùn li mancava cà a parola !

U nipote quellu a parola l'avia (Era ancu bellu linguacciutu) ma sdinaratu era, è pocu bramasu di stantallasi !

Un ghjunu disse :
- Sapete, o zi, in Marseglia dice chi ci hè una scola duv'elli amparanu à parlà à i ghjacari quand'elli so intellitenti assai.
- Imbeh ! intiligenti quand'è u meiu, saranu scherzi ancu in Marseglia i ghjacari, credila puru !

Ma pocu à pocu, u nostru prete si messe da per ellu in dea di mandà u ghjacuru à e scole di Marseglia.

"So alte scole, è l'affare costa salitu !'avia dettu u nipote.

Un ghjornu u prete chjama u ghjuvanottu :

- Mi, aghju riflessu : costi chio ch'ella costi, vogliu mandà u ghjacaru à e scole di Marseglia.
- Oh oh !
- Té vinti franchi ! ... u cautaré tù à Marseglia..

Eh ! .. u nipote li ridianu ancu e calcagne. Cù vinti franchi, à quell'epica, c'era da spassiallasi un bellu pocu.

Imbarcanu, trà u ghjuvanottu è u ghjacaru. Da ch'elli so stati in altu mare, ellu intoppa u ghjacaru cusi intelligente è u mi ti frumbulà in lu pozzu !

Poi sbarca in Marseglia e i vinti franchi un istà tantu à bambusciunallisi...

U prete scrivia :"Comu va u ghjacaru ?"

- Ava cumencia à barbuttà" rispundia u nipote.

Poi piu tardi :

"Avà dice duie o trè parole stagliate, ci vurrianu torna une poche di lizzione ma tocca à pacà dino..."

E u prete, mandava solti !

A u capu à l'annu, u nipote scrive :
"U ghjacaru avà parlà cum'é un cristianu, ma... ghjarghjitteghja un zuppulellu ! chi femu ?
E u prete risponde mandendu torna, un ibelli pochi di soldi :

- Impunta u me nipote : tantu avà ci semu !

"Selli u volenu amparà a leghje è a scrive comu facciu piu ? " pinsava u tintu caratu chi ind'un annnu s'era fermu senza una baiocca !

A la fini di i fini, u nipote volse po rientre !

U prete aspittava.

A u sbarcà, u ghjuvanottu era solu.

U prete :
- U me ghjacaru ? Duva hè u me ghjacaru ?

- l'aghju tombu o missè !

- L'hai tombu !?... l'hai tombu ?! ... tamant'è tu l'hai fatta !

- l'aghju tombu è aghju fattu bè o missè : si voi sapissiti cio ch'ellu dicia in battellu iss'animalacciu !

-E chi dicia ?

- Diccia cù tuttu u mondu chi u prete dorme cu a serva! allora chi vulete... l'aghju pigliatu é l'aghju lampatu in mare ! ...

- Hai fattu bè u me nipote, hai fattu bè!!